Жәнібек Әлімханұлы Ақтөбеде туған әзірбайжаннан ұтылып қалды

Рио-де-Жанейрода өтіп жатқан XXXI Олимпиада ойындарында бокстан 75 келіге дейінгі салмақта өнер көрсететін Жәнібек Әлімханұлы ширек финалда әзірбайжандық Камран Шахсуварлыдан жеңіліп қалды.

Алғашқы екі раундта әзірбайжандық боксшы ширақ қимылдады. Үш төреші де жеңісті Камранға берді. Екінші раундта қарсыластың басымдығымен өтті. Ал үшінші кезеңде Жәнібек жылдамдығын арттырғанымен, жеңісті жұлып алуға барлығы да кеш болды. Өйткені, жартылай финалға өту үшін жерлесімізге тек нокаут керек еді. Бірақ ондай ерлік Әлімханұлының қолынан келмеді. Осылайша, Жәнібек Олимпиада ойындарын ширек финалда аяқтап отыр. Шахсуварлы енді кубалық әлем чемпионы Арлен Лопес финалдың бәсекесін жолдамасын сарапқа салады.

Қазіргі кезде бокстан тек төрт боксымыз қалды. Бүгін боксшы Данияр Елеусінов (69 келіге дейін) сағат 3:30-да жартылай финалда франциялық Сулейман Сиссокомен кім мықтыны анықтайды. Сағат 4:15-те қазақстандық Василий Левит пен ресейлік Евгений Тищенко Олимпиада чемпионы атағын сарапқа салмақ.

baq.kz