Алматыда көлігімен қарсы бағытта жүрген жүргізуші ұсталды

Алматылық полйцейлер жолдың қарсы бағытымен жүрген жүргізушіні ұстады. Ол 1999 жылы туған Шымкент қаласының тұрғыны Қуаныш Ақым болып шықты.

Алматы қаласының жол полициясының ресми өкілі Салтанат Әзірбектің айтуынша, жүргізушіге 7 қаттама толтырылып, оның екеуі сотқа жіберіледі. Бұл туралы zakon.kz хабарлады.

Жас жүргізушіге мынадай жаза тағайындалады.

1. Көлікпен қарсы бағытта жүру
2. Көлікті нөмірсіз басқару
3. Көлік тізгінінде телефонмен сөйлесу
4. Жол белгілерін ескермеу
5. Көлікті жүргізуші күәлігінсіз басқару
6. Маневр жасау ережелерін бұзу
7. Апаттық жағдайларды туындатқаны үшін толтырылған. Бұндай жағдай бір жылдың ішінде екінші рет қайталанып отырғанын айтып өтті.

Бұл үшін ол 6 айға көлік басқару құқығынан айрылуы және қарсы бағытта жүргені үшін тағы алты ай қосылып, бір жыл көлік басқару куәлігінен айрылуы мүмкін.

Салтанат Әзірбек: «Қазір Алматы қаласы бойынша тергеу бөлімі 293-бап, бұзақылық дерегі бойынша алдын-ала тергеуді бастады.  Ол басқа да жол пайдаланушылардың өміріне қатер төндірген. Алматы Жол полициясы толық жауапкершілікпен хабарлайды. Бірде-бір заң бұзушылық жазасыз қалмайды».