8 жасар оқушы шынашағынан айырылды

03 мамыр 2018, 15:31

Дәрігерлер Сарыкөл ауданындағы спорт мектебінің тәрбиеленушісінің саусағының бір бөлігін кесіп тастауға мәжбүр болды. Осы іске қатысты тергеу шаралары жүргізілуде.
Ведомствода мәлім етілгендей, оқиға 13 сәуір күні Сарыкөл ауданының балалар мен жасөспірімдерге арналған спорт мектебінде болған. «8 жасар оқушының сол жақ қолына зілтемірдің дөңгелегі түсіп кеткен. Дәрігерлер баланың шынашақ сүйегін кесіп алып тастады. 28 сәуір күні тиісті сараптамалар құрылды. Соның нәтижесінде процессуалды шешім шығады», — деді облыстық ІІД баспасөз хатшысы Ирина Беженарь. Қазір бұл факт бойынша ҚР ҚК «Балалардың өмірі мен денсаулығының қауіпсіздігін қамтамасыз ету жөніндегі міндеттерді тиісінше орындамау» бабымен сотқа дейінгі тергеу шаралары жүргізіліп жатыр.

ҚазАқпарат