«Отырарды қорғау» мультфильмі көрерменге жол тартты

Оңтүстік Қазақстан облысында «Отырарды қорғау» анимациялық фильмі көрерменге жол тартты.

Туынды Мемлекет басшысының «Болашаққа бағдар: рухани жаңғыру» бағдарламасы аясында жарық көріп отыр. Бұл шығармада аты аңызға айналған көне Отырар қаласының тұрмыс-тіршілігі мен мәдениеті елін сүйетін екі баланың бастан кешкен хикаялары арқылы суреттеледі. Көрермен әлемдегі екінші кітапхана атанған Отырар кітапханасы мен Әбу Насыр әл-Фараби туралы толық мағлұматтарға қанығады. Көнеден келе жатқан аңыз-әңгімелерді насихаттауға әрі патриотизмге баулуға бағытталған фильм «2D, 3D» форматында жасалып отыр. Алдағы уақытта осы секілді 10 сериалы «Төле би» туындысы, «Түркістан», «Оқсыз оқиғасы», «Ордабасы – бірліктің туы» атты анимациялық фильмдерін түсіру жоспарланған.

Жанель Нұржанова, мектеп оқушысы:

— Бұл мультфильм маған қатты ұнады. Жалпы түсінгенім, Отырарды қорғаған адамдардың арқасында біз осы күнге жеттік. Білімді болуымыз керек екен. Өйткені күш бірлікте емес, білімде.

24.kz