Тұңғышбай Жаманқұлов та Айжан Байзақованы біледі екен

Актер, режиссер, театр педагогы Тұңғышбай Жаманқұлов атышулы Айжан Байзақоваға қатысты пікірін білдірді. Оның өмірге деген көзқарасына қынжылатынын жеткізді.

Аман Тасығанның «TаlkLike» жобасында журналист актерге «Танисыз ба?» деп Байзақованың суретін көрсетті. Алғашында аздап ойланып қалған Жаманқұлов блогерді түнгі клубтағы жағдайдан кейін біле бастағанын айтты.

«Көзқарасым жақсы емес. Ол қызды көп көрмедім. Бірақ түнгі клубтағысын көргеннен кейін өте қиын жағдайда болдым. Құптамаймын және бұл қарындасыма санасының, талғамының, өмірге деген көзқарасының тәлім-тәрбиесінің осыншама азғындағанына қынжыламын, күйзелемін», – деді Жаманқұлов.