Параны етпен алған

Семейде параны етпен алған білім бөлімі басшысының бұрынғы орынбасары сотталды.

54 жастағы Сара Елеусізованы сот 9 млн. теңге айыппұл салып, сот залынан бостандыққа жіберді. Бірақ аталған соманы бір ай көлемінде төлемеген жағдайда абақтығы тоғытылуы мүмкін. Сондай-ақ, жеке мүлкі тәркіленіп, өмір бойына мемлекеттік қызметтен аластатылды. Сара Елеусізова жергілікті бір балабақша есепшісінің 9 айлық есеп- қисабын еш кедергісіз жауып бермек болыпты. Ал ол бұл қызметіне бар болғаны, құны 7500 теңге тұратын 5 келі етті үйіне әкеп беруін сұраған. Бұл туралы КТК телеарнасы хабарлады.

Сара Елеусізова жергілікті бір балабақша есепшісінің 9 айлық есеп- қисабын еш кедергісіз жауып бермек болыпты. Ал ол бұл қызметіне бар болғаны, құны 7500 теңге тұратын 5 келі етті үйіне әкеп беруін сұраған. Мұнымен шектелмеген орынбасар тағы бір адамға мектептің иелігіндегі мемлекеттік автобусты да алып бермек болған көрінеді. Бұл көмегі үшін одан алғашында 15 тонна көмір алмақ болыпты. Әйтсе де, кейінен бұл ойынан айнып, 120 мың теңге сұраған. Осылайша, оны жемқорлыққа қарсы департамент мамандары жұмыс орнында ақшаны алған сәтінде қолға түсірген.