Қандыағашта екі көпірді су шайып кетті

24 шiлде 2016, 17:09

Screenshot_2016-07-24-13-05-54-e1469348132874-420x376

Ақтөбе облысының Мұғалжар ауданында қатты нөсерден көпірлерді су шайып кетті. Аудан орталығы Қандыағаш қаласының ықшам аудандары мен ескі бөлігін жалғайтын екі көпір опырылып қалды.

Жергілікті тұрғындардың «Тілшіге» айтуларына қарағанда, екі арада көлік қатынасы қиындап кетті.

Қандыағаштың ескі бөлігіндегі Әскери қалашықта тұратын Гүлмира есімді азаматшаның айтуынша, қаланы екіге бөліп өтетін сай арнасы толып кеткен.

Айта кетейік, қатты нөсер салдарынан Қандыағаштағы мейрамханалар мен үйлерді де су басып жатыр. Интернет пайдаланушылары Жамбыл көшесіндегі бес қабатты үйлердің айналасына жиналған судың суреттерін жариялады.

tilshi.kz