Cутекпен жүретін әлемдегі алғашқы трамвай іске қосылды

Көлік ауаға зиянды қалдық таратпайды, деп хабарлайды Baq.kz ақпарат агенттігі lenta.ru басылымына сілтеме жасап.

Хэбэй провинциясының Таншань қаласында сутек отынымен жүретін трамвай іске қосылды. Жаңа көлікті China Railway Rolling Corporation (CRRC) корпорациясы жасап шығарған.

Трамвай жүрген кезде ауаны ластамайды. Жұмыс істейтін қозғалтқыштардан шығатын жалғыз ғана қалдық – бұл су.

Вагон едені мен рельс арасындағы ара қашықтық 35 сантиметр, бұл жолаушыларды отырғызуды жеңілдетеді.

Сутек құю 15 минутқа созылады, ал отын 40 шақырымдық жолға жетеді. Трамвайдың максималды жылдамдығы – сағатына 70 шақырым.

Сутек отынын алудың арзан технологиясын швейцариялық ғалымдар 2014 жылдың қыркүйегінде таныстырған болатын. Сол жылдың желтоқсанында Toyota Motor жапон корпорациясы сутекпен жүретін автокөліктер шығара бастады.