Есірткі саудасымен айналысқан апалы-сіңілі екі әйел ұсталды

Қостанай облысында тәртіп сақшылары есірткі заттары мен қару сақтаған апалы-сіңілі 2 әйелді ұстады, деп хабарлайды ҚазАқпарат облыстық ІІД баспасөз қызметіне сілтеме жасап.

Киевский ауылында 42 жастағы күдікті әйел өз пәтерінде ұсталды. Тінту кезінде диванға жасырылған полиэтиленді орамадан салмағы 1,87 грамм болатын героин табылды. Сол күні есірткі бизнесіне қарсы күрес бөлімінің қызметкерлері күдіктінің 35 жастағы сіңлісін де қолға түсірді. Сақшылар оның үйінен жалпы салмағы 6 грамм болатын героин тәркіледі. Айыпталушылар есірткіні сату мақсатында сақтағанын айтқан. Мұның сыртында, оның үйінен «ИЖ-18Е» маркалы шолақ мылтық табылды. Қарудың тіркелмегені анықталды. Сотқа дейінгі тергеу шаралары басталды.