«Жұлдыз ауруы» ма, әлде менмендік пе?

«Алло» әнімен танымалдығы арта түскен жас әнші Төреғали Төреәли журналистерден қашып жүр. Бұл туралы «Айқын» газеті былай деп жазды:

«Әнші жігіттің кеші болар алдында оның пиар-менеджері Фариза есімді бойжеткенге қоңырау шалдық. Мақсат-әншімен кеш алдында аз-кем тілдесу. Хабарласқанымызды қайтейік, сөзіміздің соңына дейін тыңдамастан, тұтқаны қоя салды. Тілшілермен неге тілдескісі келмеді? Бұл әншінің көзқарасы ма, әлде менеджерінің қалауы ма?

Ұққанымыз — әнші газетке сұхбат беруден қашатын секілді. Не себепті? Соңғы кездрі мұндай үрдіс әншілердің арасында көбейіп кетті. Сонда олардың қазақ басылымдарын менсінбегені ме? Тіпті кейбірі газет оқымайтындықтарын, қазақ баспасөзінен мүлдем хабарсыз екендіктерін жасырмайды. Бұл не? «Жұлдыздық» па әлде,менмендік пе?»

Әлде телеарналардан жиі көрінсе , өздерін жарық жұлдыз санауға бола ма?