Ұшақ беймәлім затпен соғыса жаздады (видео)

Чилидің Пуэрто-Варас қаласында өткен авиашоу кезінде беймәлім ұшатын нысанмен соғыса жаздаған жергілікті әуе-қорғаныс күштерінің ұшағының видеосы Желіде пайда болды. Соңғы айларда осы өңірлерде осындай құбылыстар жиілеп кеткен.

tengrinews.kz хабарлағандай, жарияланған видеода чилилік ұшақтың жоғары қарай ұшып бара жатқаны түсірілген. Бір мезетте оның жолын жартылай домалақ бір зат кесіп өтеді. Беймәлім ұшатын нысан сәл болмағанда ұшаққа соғысатын еді, алайда ол ары қарай ұшып кетіп, әуеде жоқ болып кетеді.

Көрермендер мұның не екеніне таңғалады. Біреулер мұның тағы бір ұшақ немесе алып құс болуы мүмкін екенін жазған. Тағы біреулер, видеода бір емес екі беймәлім ұшатын нысанның ұшып жүргенін жазған.

Осыған дейін, Чили Әуе-қорғаныс күштері беймәлім ұшатын нысанды видеоға түсіріп алған болатын.