Суицидті насихаттайтын 28 топ бұғатталды

Атырау прокурорлары әлеуметтік желілерде суицидалды топтар мен порносайттарды бұғаттау бойынша жұмыстардың нәтижесін жариялады.   «Әлеуметтік желілерге жүргізілген мониторингтің нәтижесінде 2016 жылы кәмелетке толмағандар арасында суицидті насихаттайтын, жасөспірімдерді өзін-өзі өлтіруге үндейтін 28 топ бұғатталды, –  деп хабарлайды «ҚазАқпарат». Сондай-ақ прокурорлардың ұсынымымен облыста 8 порносайт пен кәмелетке толмағандардың жыныстық қол сұқпаушылығына қарсы бағытталған 11 қоғамдастық жабылды. Атырау облысында әлеуметтік желілерде суицидті насихаттайтын топтардың бұғатталуы нәтижесінде жасөспірімдер арасында қайғылы оқиғалар 29 пайызға азайды. Сондай-ақ өңірде жасөспірімдердің жыныстық қол сұқпаушылығына қарсы қылмыстардың саны 26 пайызға төмендеді», — деп атап өтті облыстық прокуратураның баспасөз қызметінен.