Рио Олимпиадасына елімізден 12 палуан барады

11 мамыр 2016, 15:21

Рио-де-Жанейро қаласындағы Олимпиада ойындарына 12 палуан барады, деп хабарлады ҚР грек-рим, еркін және әйелдер күресі федерациясынан.

«Біздің атлеттеріміз лицензиялардың қажетті санын жинай алмады, Олимпиадаға толық құраммен бару үшін үш түр бойынша 6 лицензия алу тиіс болған. 22-24 сәуір күндері Ұлан-Батырда (Моңғолия) және 6-8 мамыр күндері Ыстамбұлда (Түркия) өткен екі соңғы кәсіби жарыс біздің құрамамыз үшін нәтижесіз аяқталды», — деп хабарлады федерациядан.

Грек-рим күресі: Алмат Кебіспаев, Досжан Қартықов, Нұрмахан Тінәлиев. Еркін күрес: Артас Санаа, Ғалымжан Өсербаев, Аслан Кахидзе, Мамед Ибрагимов, Дәулет Шабанбай. Әйелдер күресі: Жұлдыз Эшимова, Екатерина Ларионова, Эльмира Сыздықова, Гюзель Манюрова.

ҚазАқпарат