Балғынбек Имашев: Күйеусіз өтсе де, қызымды қытайға бермес едім

Айтыскер ақын Балғынбек Имашев Іnstagram парақшасына жәндік жеп отырған қытай қызының видеосын салып, қазақ қыздарының қытайға тұрмысқа шығуына қатысты пікірін білдірген екен.

baq.kz хабарлағандай, «Қатынсыз қалсам да мына қытайдың қызын алмас едім. Күйеусіз өтсе де қызымды бұларға бермес едім. Одан гөрі қазақтың иманды, намысты азаматының екінші, үшінші, төртінші әйелі болғаны жақсы. Шариғатымыз кәпірлерге қыз беруге тыйым салған. Елім деген ер-азаматтар! Әрқайсымыз қазақтың баласы, қазақтың ері, қазақтың батыры, қазақтың азаматы деген атқа сай болайық! Қыздарымызға қорған болайық, тірегі, сүйеніші, бағы болайық!», — деп жазды Балғынбек.

Естеріңізге сала кетейік, Балғынбек «Әйел бақыты» бағдарламасында студияға келген негр жігіттердің қасында отырған қазақ қызын тұрғызып, оның орнына өзі барып отырған еді.