Жақ-жақ төбелес өліммен аяқталды

ШҚО Бесқарағай ауданында 19 жастағы жігіт өзінің араздасып жүрген құрдасын пышақтап өлтірген. Қанішер тәртіп сақшыларының қолына өз еркімен берілді, деп хабарлайды YK-news.kz.
Оқиға былай болған. Бірнеше жігіт азық-түлік дүкенінің алдында сөйлесіп тұрады. Сол кезде олардың қасына бір көлік тоқтап, ішінен Қара Мырза ауылының жігіттері түседі. Бір топтың құрамында 19 жастағы Т. болса, екіншісінің құрамында оның З. есіді құрдасы болады. Бұл екі жігітің арасындат бұрыннан келе жатқан алауыздық бар екен. Т.-ның кейіннен, сотта айтуынша, З. қарсыласын “бір-ақ ұрып, жалпасынан түсіремін” деген. Бар бәле осы сөзден басталған көрінеді. Жігіттер дүкеннің артына барып, төбелеседі. Қасындағылар оларды айырады. тіпті екеуі қайтадан татуласқандай да болады. Алайда, бірнеше минуттан кейін, жанжал қайта басталады да, оның аяғы қайғылы оқиғаға ұласады. Т. қолына пышақ алып, қарсыласының ішіне алты рет сұғып алады, З. есінен танып, құлайды.
Достары жаралы З.-ны көлікке салып, ауруханаға алып кетеді, бірақ ол жолда көз жұмады. Т. болса, өзін тәртіп сақшыларының іздеп жатқанын естіп, полицияға қоңырау шалады да, өз еркімен беріледі.
Сот жас жігітті сегіз жылға бас бостандығынан айырып, жазасын қатаң режимдегі колонияда өтеуге кесті. Сөйтіп, жай ғана алауыздықтың аяғы бір жігіттің өмірден өтуіне, екіншісінің абақтыға түсуіне жеткізді.