Кейуана 53 жылдан бері көлікті құжатсыз айдаған

10 қараша 2016, 4:21

2d5972882dd31aea7aaefc5fe8e22000_l

Испанияның Ферроль қаласында тұратын (Галисия) кейуана сот шешімімен 32 күн бойы қоғамға пайдалы түзету жұмыстарын атқаратын болды, деп хабарлайды espanarusa.com.
74 жастағы бұл зейнеткер рульге ие бола алмай, жол апатына ұшырағаннан кейін ғана полиция күтпеген жерден оған қатысты тосын мәліметті білді. Сөйтсе, испандық жүргізуші 1963 жылы көлік тізгініне отырған кезден бері көлік айдауға құқық беретін құжат алмапты. Полиция бұл қызықты одан әрі де білмеген болар еді. Бірақ, таяуда кейуана жарты ғасырдан астам уақыттан бері алғаш рет тізгінге ие бола алмай қалып, жол апатына түскен. Сонау өткен ғасырдан бері құжат алмаған жүргізуші өзінің кінәсін бірден мойындағандықтан, ол барынша жеңіл жазаға кесілді.

24.kz