Аңға кеткен мектеп мұғалімінің денесі табылды

Түркістан облысында он күндей бұрын жоғалып кеткен мектеп мұғалімінің денесі табылды. Аң қарауға кеткен ер адамды іздестіруге 100-ге жуық адам жұмылдырылып, полиция қызметкерлеріне қоса еріктілер де күш қосқан болатын.
«Аталған жайт Бәйдібек аудандық полиция бөліміне қылмыстық кодекстің 1-бабы «Адамның қайтыс болуы» бойынша тіркелді. Тиісті сараптамалар тағайындалғаны» хабарланды жергілікті полиция бөлімінің мәліметінде.
Оtyrar.kz жазуынша қасындағы жолдасымен аңға шыққан Нұрлан Аймаханов өзен жағасындағы қамысқа кіріп кетіп табылмаған. «Біз Нұрланға хабарластық та, мылтықты атуын өтіндік, өйткені қай жерде екенін біле алмадық. Алайда ол тым әлсіреп кеткенін айтып, бізді көріп тұрғанын жеткізді, содан кейін байланыс үзілді» деді досы Думан Ұласхан.

JQ-Aqparat