Үкімет басшысы Е.Сұлтановты рейтинг қумауға шақырды

20 қыркүйек 2016, 13:31

ҚР Премьер-министрі Бақытжан Сағынтаев әлеуметтік маңызы бар тауарлардың бағасын тұрақтандыруға арналған Үкімет отырысы барысында Солтүстік Қазақстан облысының әкімін рейтинг қумай, жүйелі жұмыс істеуге шақырды.

«Сіздің өңірде қанттың, қарақұмық, тұз, ет пен пияздың бағасы өсіп жатыр. Аграрлық аймақ саналатын сіздің өңірде нанның ең қымбат бағасы тіркеліп отыр», — деп ескерді Б.Сағынтаев.

Осы орайда Премьер-Министр әлеуметтік маңызы зор тауарлардың бағасын тұрақтандыруда жүйелі жұмыс істеу керектігін еске салды.

«Ерік Хамзаұлы, дауласып, саудаласудың қажеті жоқ, жүйелі жұмыс қажет. Екіншіден, бізде мына-мына туарлардың құны республикалық деңгейден төмен деп салыстыруыңыз дұрыс емес, тек өз өңіріңізге, өз өңіріңіздегі өмір сүру деңгейіне және өз бағаларыңызға жауап беріңіз», — деді Б.Сағынтаев.

baq.kz