Дәрігерлер Маңғыстауда апатқа ұшыраған түлектердің жағдайын айтты

Маңғыстау облысында 25 мамырда Сайөтес ауылы маңындағы тас жолда апат болып, мектептің жеті түлегі зардап шекті. Облыстық балалар ауруханасының дәрігерлері зардап шеккен екі баланың жағдайы туралы айтты.

Дәрігерлердің lada.kz сайтына хабарлауынша, апатқа ұшырағандардың бірі комадан шықты.

Ол ауыр халде жансақтау бөлімінде жатыр. Бұған дейін оның жағдайы өте ауыр деп бағаланып, жасанды тыныс алу аппаратына қосылған. Жамбас сүйегінен жарақат алған екінші жәбірленушінің жағдайы тұрақты, – деді дәрігерлер.
Еске салайық, жеті бірдей түлек зардап шеккен жол апаты 25 мамырда Маңғыстау облысы Маңғыстау ауданындағы Сайөтес тас жолында болды.