Синоптиктер: Алматы тауларында нөсер жауып, арты қарға ұласады

Алматы қаласының Төтенше жағдайлар департаменті таулы аймақтарда ауа райының күрт нашарлайтынын ескертті, деп хабарлайды Zakon.kz.

Ведомство туристер мен тауда серуендеуді ұнататындардан қазірше тауға шықпай тұра тұруды сұрады.

Алматы қаласы төтенше жағдайлар департаментінің баспасөз қызметі:

2 маусымда Алматының тауларында желдің екпіні секундына 15-20 метрге жетеді. 3 маусымда нөсер, биік таулы аймақтарда қар күтіледі. Кей жерлерде найзағай ойнап, бұршақ жауады, дауыл тұрады. Жел солтүстік-батыстан солтүстік-шығысқа ауысады. Желдің екпіні секундына 23-28 метрге жетеді.

Құтқарушылар «112» сигналдарына, дабылдарға және бұқаралық ақпарат құралдарынан, теледидардан, радиодан тарайтын хабарламаларға құлақ асуға кеңес берді.