Қырғызстан мен Тәжікстан шекарасында атыс болды

Мемлекеттік шекараның қырғыз-тәжік бөлігінде қарулы қақтығыс болды. Бұл туралы Қырғызстанның Мемлекеттік ұлттық қауіпсіздік комитетінің Шекара қызметі мәлімдеді.

24.kg ақпарат агенттігінің хабарлауынша, 10 наурызда Тәжікстан мен Қырғызстан шекарасында шекарашылар арасында атыс болды.

Атыс шамамен он минутқа созылған. Қырғыз тарапынан қақтығыс салдарынан жараланғандар мен зардап шеккендер жоқ. Алдын ала мәлімет бойынша, тәжік тарапынан жараланғандар бар.

Қазір екі елдің өкілдері келіссөздер жүргізіп жатыр.

Тескей ауданы мемлекеттік шекараның белгіленбеген учаскесі болып саналады, бірақ ол аумақты іс жүзінде Қырғызстан азаматтары пайдаланады.