Шымкенттегі ковид стационарынан соңғы науқас шығарылды

Шымкенттегі ковид стационарынан соңғы науқас шығарылды.

Бұл туралы Tengrinews.kz хабарлайды.

Дәрігерлер коронавируспен емделген 70 жастағы Бисенбек Өсербаевты үйіне шығарып салып, әдеттегі жұмыс кестесіне оралады. Ер адам бірнеше апта вируспен күресті.

Екі жыл ішінде бұл стационарда ондаған мың адам емделді. Бұдан былай КВИ жұқтырды деген күдікке ілінген науқастар жұқпалы аурулар ауруханасына жатқызылады.

«Бүгінде Шымкент қаласы коронавирус инфекциясы бойынша «жасыл» аймаққа өтті. Науқастардың саны айтарлықтай азайды. Осыған байланысты қалалық жұқпалы аурулар ауруханасы, яғни «Асар» шағынауданындағы модульдік стационарды уақытша жабу туралы шешім қабылданды», — деді Шымкент қалалық жұқпалы аурулар ауруханасы бас дәрігерінің орынбасары Мұрат Ағабаев.