«Шин-Лайн» Қазақстанның бизнес көшбасшыларының кітабына енді

    Республика тәуелсіздігінің мерейтойы қарсаңында Brand of Kazakhstan баспасы «Қазақстан. Тәуелсіздікке 30 жыл. 30 years of Independence» кітабын шығарды. Кітап ұлттық саясатқа, еліміздің өңірлеріне және Қазақстан экономикасы құрылатын кәсіпорындарға арналған бөлімдерді қамтиды. Әр аймақ фотосуреттері бар жеке мақаламен ұсынылған және аймақтың визит карточкасы ретінде қызмет етеді. Мемлекет экономикасы жаңа жұмыс орындарын ашатын, заманауи өндірістерді ұйымдастыратын және инновациялық технологияларды енгізетін республика салаларының бизнес- көшбасшыларының мысалдарымен ұсынылған.

Қазақстанның Премьер-министрі Асқар Мамин басылымға алғысөзін жазды, еліміздің 14 облысының және Нұр-Сұлтан, Алматы және Шымкент қалаларының Әкімдері Тәуелсіздіктің 30 жылындағы өңірлердің жетістіктері туралы үлкен мақалалар дайындады.

«Материалды жазуға өңір басшылары да, жетекші өнеркәсіп компанияларының басшылары да қатысты. Біздің кітап тәуелсіздіктің 30 жылы ішіндегі еліміздің әлеуметтік-экономикалық дамуының өзіндік қорытындысын шығару болып табылады. Сондай-ақ, кітап Қазақстанның елдік таныстырылымы және еліміздің әлеуеті мен инвестициялар үшін мүмкіндіктер туралы білгісі келетіндер үшін жолсілтеме болып табылады. Орыс және ағылшын тілдерінде үш онжылдықта жүзеге асырылған маңызды жобалар және оларды жүзеге асырған компаниялар туралы ақпарат ұсынылған. Кітап Қазақстанда да, жақын және алыс шетелдерде де таратылатын болады», — дейді Раушан Мухаметалина «Қазақстан. Тәуелсіздікке 30 жыл. Kazakhstan. 30 years of Independence» кітабының авторы.

Қазақстанның 500 мыңға жуық өнеркәсіптік кәсіпорындарының ішінде басылымға көшбасшылар қатарындағы 22 компания туралы мақалалар енгізілген. Олар өндіруші және өңдеуші өнеркәсіпте, тамақ өнеркәсібінде, сондай-ақ ауыл шаруашылығында жұмыс істейді.

«Шин-Лайн» ЖШС ұлттық көшбасшылар қатарына кірді және Қазақстанның экономикалық картасында лайықты орын алды. 25 жыл ішінде компания Қазақстанда ғана емес, бүкіл Орталық Азиядағы ең ірі балмұздақ өндірушісі болды. Кәсіпорын бүгінгі таңда отандық брендпен жоғары сапалы балмұздақ шығарылатынын мақтан тұтады, оның дәмі республикадан тыс жерлерде де белгілі. Осы жылдың он бір айында ақшалай мәнде компанияның түсім құрылымындағы экспорт үлесі 20%-дан асты. Бүгінде қазақстандық кәсіпорынның өнімдерін Беларусь, Ресей, Қырғызстан, Өзбекстан, Моңғолия дүкендерінен сатып алуға болады. Мұның бәрі мемлекеттік бағдарламалардың қолдауының арқасында мүмкін болды.

Балмұздақ нарығындағы үлесі шамамен 40% құрайтын Қазақстанның тамақ өнеркәсібінің көшбасшы кәсіпорны азық-түлік нарығындағы отандық үлесті ұлғайту және іргелес нарықтарға экспорттау үшін өндіріске заманауи технологиялар мен инновациялық шешімдерді енгізе отырып, өндірісті ұлғайтуды жалғастыруда. Компания алдағы бірнеше жылда жаңа азық-түлік кешенінің құрылысын аяқтауды жоспарлап отыр, оған Орталық Азия мен Шығыс Еуропа елдерінің аумағындағы ең ірі балмұздақ шығаратын фабрика кіретін болады.

«Мықты және табысты мемлекет мықты әрі табысты бизнессіз мүмкін емес. Біздің компания елмен, экономикамызбен, тәуелсіздікпен бірге өсті және дамыды. Біз

қалыптасудың көптеген кезеңдерінен өттік, дағдарыстарды еңсердік, қателіктерден үйрендік. Біздің еліміз табысқа және өркендеуге ұмтылғандықтан, «Шин-Лайн» компаниясы өзінің алдына өндірісті ұлғайту, экспорттық әлеуетті кеңейту жөнінде өршіл міндеттер қойып отыр. Осының барлығы осыдан отыз жыл бұрын Қазақстанның тәуелсіздікті және өзінің даму жолын таңдауының арқасында мүмкін болды», — деді Андрей Шин «Шин-Лайн» компаниялар тобының президенті.

jasqazaq.kz