СІМ Киевтегі «қазақстандық дипломаттың» видеосын тексеріп жатыр

16 ақпан 2021, 16:32

Сыртқы істер министрлігі Қазақстанның Украинадағы елшілігі қызметкерімен болған оқиғаның мән-жайын анықтап жатыр.

15 ақпанда қазақстандық Telegram-арналарда «шетелдегі қазақстандық дипломаттармен болған жанжал» туралы жазба жарияланды. Жазба сипаттамасында Қазақстанның Украинадағы елшілігінің қызметкері жол ережесін өрескел бұзғаны және «Зупини лося» белсенділерінің видеосына түсіп қалғаны туралы жазылған. Қоғам белсенділері кінәліні жазалауды талап етіп, Украина мемлекеттік органдарына хат жолдады.

Қазақстан Сыртқы істер министрлігі оқиғаның мән-жайын анықтап жатыр. СІМ өкілдері кейін толық түсініктеме беруге уәде етті.

Tengrinews.kz