Өскеменде 20 ішкиім ұрлаған ер адам 3 жылға сотталуы мүмкін

Өскеменде ер адам 20 ішкиімді ұрлап сатқан.

28 жастағы өскемен тұрғыны дүкенде ер адамға арналған 20 ішкиімді ұрлап кеткен.

«Күдікті бірден ұсталды. Алайда ұрланған затты тәркілеу мүмкін болған жоқ. Ол ішкиімдерді сатып, тапқан ақшасын жұмсап үлгерген», — делінген Өскемен қаласы полиция департаменінің баспасөз қызметі таратқан хабарламада.

Бұл факт бойынша ҚР Қылмыстық кодексінің 188-бабы (Ұрлық) бойынша сотқа дейінгі тергеу басталды. Сотта күдіктінің айыбы дәлелденсе, оның мүлкі тәркіленіп, 3 жылға дейін бас бостандығынан айырылуы немесе 1 000 АЕК мөлшерінде айыппұл төлеуі мүмкін.

Tengrinews.kz