Денсаулық сақтау министрлігі: Карантин нәтиже бермеді

07 қазан 2020, 18:38

Денсаулық сақтау министрлігінің ресми өкілі Бағдат Қожахметов COVID-19 белгілері бар пневмония мен коронавирус жұқтырғандар санының артқанын мәлімдеді.

«Жағдайдың тұрақталғанына қарамастан, карантиндік шаралар күткен нәтиже берген жоқ, науқастардың саны қайтадан өсіп жатыр.

Егер тұрғындар санитар дәрігердің талаптарын орындамаса, біз қатаң карантинге оралуға мәжбүр боламыз», — деді Қожахметов ОКҚ-да өткен брифингте.

Бұған дейін Мемлекет басшысы Қасым-Жомарт Тоқаев эпидемияға байланысты ахуал және коронавирустың екінші кезеңіне дайындық бойынша жиын өткізген болатын.

Ол «елдегі жағдай тұрақталғанымен, босаңсуға болмайды. Жаз айларындағы күрделі ахуалдың зардаптарын естен шығармағанымыз жөн» деп айтқан болатын.

Tengrinews.kz