Алматыда 2 жасар қызды көлік қағып кетті (видео)

11 мамыр 2020, 11:17

10 мамырда Алматыда есік алдында ойнап жүрген бір баланы көлік қағып кетіп, мерт қылды. Қайғылы оқиғаның видеосы редакциямызға келіп түсті.

Қайғылы жағдай Ғанибет пен Қарағанды көшелерінің қиылысында болды. Куәгерлердің айтуынша, Toyota Camry Ғанибет көшесі бойымен жоғары жылдамдықпен жүйткіп келе жатқан. Қарағанды көшесінің қиылысында ол кішкентай қызды қағып кетеді. 2017 жылғы қыз бала оқиға орнында қайтыс болды.

Видеода баланың тар көшеде орналасқан үйдің қақпасының алдында жүргені, бір мезетте оның аяқ-асты жолға қарай тұра жүгіре жөнелгені, сол кезде зу етіп бір көліктің өте шыққаны көрінеді. Бәрі қас-қағым сәт.

Жүйкесі жұқа адамдарға видеоны ашпауды ескертеміз!