«Балаларға чип салынды» дейтін видео жалған екен

Желіде тараған оңтүстікқазақстандық балаларға чип салынып жатыр деген ақпарат жалған. Бұл туралы Инфекциялық ауруларды эпидемиологиялық қадағалау баскармасынын бас сарапшысы Нұршай Әзімбаева мәлімдеді. Бұл туралы Tengrinews.kz хабарлады.

Желіде оңтүстікқазақстандық балаларға чип салынып жатыр деген видео тарады. Әзімбаева бұл видеодағы ақпараттың жалған екенін айтты.

«Қазір әлеуметтік желіде және Whats App мессенджерінде тұрғындарға жаппай вакцина жасалып, чип тағылып жатыр деген фото және аудио хабарлама тарап жатыр. ҚР ДСМ бұл ақпарат жалған екенін ресми түрде хабарлайды. Азаматтардан желіде тарайтын жалған ақпараттарға сенбеуді және ресми дереккөздерді басшылыққа алуды сұраймыз. Жалған ақпарат таратқан тұлғалар ҚР ҚК 274-бабына сәйкес қылмыстық жауапқа тартылуы мүмкін», — деді Әзімбаева.