Жұрт жанармайдың шарықтауын түсіне алмай дал

Елімізде доллармен бірге бензин де қымбаттады.

Алматыдағы кейбір жанармай бекеттерінде сұранысқа ие АИ-92-нің бір литрі 159-160 теңгеден сатылып жатыр. Ал осыған дейін бензиннің түрі 155-156 теңге тұратын Бұл туралы КТК телеарнасы хабарлады. Кей бекеттер бұрынғы бағаға тек бір теңге қосып қойыпты. Ал тапқан-таянғанын көлігіне құятын жүргізушілер бұған наразы. Өйткені қарапайым жұрт мұнай арзандап жатқанда, жанармайдың шарықтауын түсіне алмаймыз дейді. Қос бүйірден қысқан қымбатшылыққа атқамінерлердің жауабы қашан да дайын. Олар жанармай бағасына үкімет араласпайды, бәрін нарық реттейді деген болатын. Сондықтан сұйық отынды кәсіпкерлердің ойына келген бағамен сатуына ешқандай тыйым жоқ.

Жүсіп Шынбай, Алматы қаласының тұрғыны:

— Бензин қымбат. Жалақы сол қалпы. Қалтадан ұрып жатыр. Ақшаның құны жоқ. Бес мың теңгеге дүкеннен түк сатып ала алмайсың.