The Ring Садриддин Ахмедовті «Жыл жобасы» деп таныды

22 желтоқсан 2019, 12:14

Бірінші орта салмақтағы қазақстандық боксшы, WBC Asia және WBC Youth World титулдарының иегері Садриддин Ахмедовті беделді The Ring журналы «Жыл жобасы» марапатына лайық деп тапты, деп хабарлайды ҚазАқпарат Қазақстанның кәсіпқой боксына сілтеме жасап.

Танымал инсайдер Майкл Бенсонның ақпараты бойынша, Ахмедовтен бөлек бұл премияның номинанттары тізімінде ағылшындық Даниэль Дюбуа,америкалықтар Джарон Эннис пен Вирджил Ортис-кіші, сонымен қатар өзбекстандық боксшы Исраил Мадримов бар. Ахмедов өзінің соңғы жекпе-жегін жетінші желтоқсан күні Монреальда Хосе Антонио Вильялобосқа (12-6-2, 7КО) қарсы өткізіп, жетінші раундта аргентиналық боксшыны жағынан ұрып, нокаутқа түсірді.