Нұр-Сұлтанда 5G желісі іске қосылды

5G желісі елордадағы Astana Hub IT-стартаптар халықаралық технопаркінің аумағында Altel желісінде қолжетімді болмақ. Бұл коммерциялық желіні бүгін «Қазақтелеком» іске қосты.

«Бүгін іске қосылып отырған желі Қазақстандағы алғашқы 5G коммерциялық аймағы болып табылады. Ол Astana Hub аумағында тұрақты негізде жұмыс істейді. Осы желіні іске қосу орнын кездейсоқ таңдаған жоқпыз. Дәл осы жерде әзірлеушілер 5G базасында жаңа цифрлық өнімдерді және жобаларды тестілеуден өткізіп, іске асырады. Мұндай аймақтар түрлі кейстер үшін басқа өңірлерде де ашылмақ. Осы жылы Шымкентте коммерциялық технологияны іске қосуды жоспарлап отырмыз», – деп хабарлады «Қазақтелеком» АҚ инновациялар жөніндегі бас директоры Нұрлан Мейірманов. 5G технологиясы жоғары жылдамдықпен деректер берумен, ауқымды сыйымдылығымен және түрлі қызметерге арналған IoT құрылғыларын жаппай қосу мүмкіндігімен ерекшеленеді.

24.kz