Піл мен мүйізтұмсықтың төбелесі (видео)

Оңтүстік Африка Республикасында Крюгер атындағы Ұлттық паркте піл мен мүйізтұмсықтың төбелесі видеоға түскен.

Видео қорықтың YouTube-каналында жарияланды, — деп хабарлайды Tengrinews.kz тілшісі. Кадрда піл жақындап келгенде, мүйізтұмсықтың төлімен бірге судың жанында тұрғанын көруге болады. Мүйізтұмсыққа шақырылмаған қонақтың келуі ұнамаса керек, ол бірден шабуылға көшеді. Бір кезде мүйізтұмсықтың төлі екі алып аңның арасына құлайды, алайда ол жылдам орнынан тұрып кетіп, қауіпсіз аймаққа қашып үлгереді. Төбелестен кейін піл мүйізтұмсық пен төлінің артынан қуалай бастайды, алайда олар одан қашып кетеді.