Гена HBO көрерменін сұрапыл соққысымен тәнті етті (Видео)

HBO телеарнасы орта салмақтағы чемпион Геннадий Головкиннің күшті соққылары туралы төрт минуттық сюжет көрсетті.

Ролик «Головкиннің ұлы соққылары» деп аталады. «Жеңіліп көрмеген супержұлдыз әрі нокаут шеберінің жекпе-жектерінің кейбір үздік сәттерін көріңіздер», — делінген телеарнаның сюжетінде. Бұл телеарна Головкин мен Келл Бруктің жекпе-жегін көрсетеді.
Еске салайық, Головкин келесі жекпе-жегінде 30 жастағы ағылшын, жартылай орта салмақта IBF тұжырымы бойынша әлем чемпионы Келл Брукпен кездеседі. Олардың кездесуі 10 қыркүйекте Лондонның O2 аренасында орта салмақта (160 фунт) өтеді. Екі боксшы да кәсіпқой рингте әлі жеңіліп көрмеген. 34 жастағы Головкин 35 рет жеңіске жеткен, оның 32-сі уақытынан бұрын аяқталған. 30 жастағы Брук 36 рет жеңіске жетіп оның 25-ін нокаутпен аяқтаған.

kaz.tengrinews.kz