5 миллион қазақстандықтың өсімпұлы кешіріледі

5 миллионнан аса қазақстандықтың кепілсіз кредитінің өсімпұлы мен айыппұлдары кешіріледі. Бұл туралы премьер-министрдің бірінші орынбасары — қаржы министрі Әлихан Смайылов айтты. Бұл туралы Tengrinews.kz хабарлады.

«Тұтынушылық кепілсіз несие алып, айыппұлдар мен өсімақылары пайда болған 5 миллионнан аса адам бар. Бұл шамамен 48 миллиард теңге. Айыппұлдар мен өсімпұлдардың бәрі өтеледі, дисконты бар қаржы ұйымдарынан Проблемалық кредиттер қоры сатып алады. Кез келген адам үшін бұл өтелгенді білдіреді», — деді Смайылов кулуарда. Айыппұлдар мен өсімпұлдар банктерден де, микроқаржы ұйымдарынан да алынады. Оның айтуынша, негізгі қарыздың жабылу-жабылмауына қарамастан, айыппұл мен өсімпұл өтеледі.