9 банк жабылуы мүмкін

Қазақстанда жұмыс істейтін екінші деңгейлі 9 банк жабылуы ықтимал. Бұл туралы Қаржы нарығын реттеу және дамыту агенттігі ашық талқыға шығарған Реттеу саясатының консультативтік құжат-жобасында жария етілді.

«Қазіргі уақытта Қазақстан нарығында екінші деңгейлі 21 банк жұмыс істейді. Оның тоғызын жабу бойынша жұмыс жүріп жатыр. Былтыр агенттік екінші деңгейлі банктің басшы лауазымына тағайындалмақ болған 13 үміткердің кандидатурасын келісуден бас тартты.

Ал бағалы қағаздар нарығында 49 субъект жұмыс істейді. 2022 жылы агенттік осындай ұйымдардың басшысы лауазымына ұсынылған 10 кандидатты келісуден бас тартқаны» жазылған

Ашық НҚА порталында жарияланған құжатта. Алайда порталда жария етілген құжатта жабылатын банктердің тізімі берілмеген.

JQ-Aqparat