
Жамбыл облысы Байзақ ауданының полиция бөліміне 5 жасар қыздың ата-анасы шағымданып, белгісіз қарт кісінің кәмелетке толмаған қызының смартфонын алып кеткенін айтқан. Күдікті бағасы 132 мың теңге тұратын ұялы телефонды бүлдіршінге алма беріп алдап, айырбастап алған.
Жамбыл облыстық полиция департаменті баспасөз қызметі күдікті ретінде 80 жастағы ер адам ұсталып, өзінің кінәсін толық мойындағанын хабарлады.
Ұялы телефон тәркіленіп, ҚР ҚК 190-бабы 1-бөлігі бойынша сотқа дейінгі тергеу амалдары басталды.
JQ-Aqparat