7,8 млн гектар жер мемлекетке қайтарылды

Сурет: prіmeminіstеr.kz

Мемлекет басшысы Қасым-Жомарт  Тоқаевтың Жолдауын іске асыру аясында 2022 жылдың басынан бастап игерілмей жатқан немесе заңсыз берілген 7,8 млн гектар ауылшаруашылығжерлері  мемлекетке қайтарылды. 

Премьер-министрдің баспасөз қызметі хабарлағандай, Қарағанды облысында 1,5 млн гектар ауыл шаруашылығы жерлері мемлекет меншігіне қайтарылды. Сондай-ақ Қостанай облысында – 738 мың гектар, Ақтөбе облысында – 745 мың гектар,  Түркістан облысында – 631 мың гектар, Павлодар облысында – 532 мың гектар мемлекет иелігіне өтті. 
Ел бойынша жерді пайдаланушыларға қатысты 5,5 млн гектар аумақты қамтитын 2 410 жоспардан тыс тексеру тіркелді. Тексеру нәтижелері бойынша 3,1 млн га алаңда жер заңнамасын бұзушылықтарды жою туралы 1 597 ұйғарым шығарылды. Қазір 240,9 мың гектар аумақ бойынша 246 материал сот қарауында.
Тиісті шаралар қабылданғаннан кейін жерді пайдаланушылар 2,7 млн га алқаптағы өз жерлерін игеруге кірісті.
Қабылданған шешімдердің заңдылығына қатысты жергілікті атқарушы органдардың қызметіне жүргізілген жоспардан тыс тексерулердің қорытындысы бойынша аумағы 526,3 мың гектар ауылшаруашылығы жерлерін беру туралы жергілікті атқару органдардың 515 заңсыз шешімі анықталып, оның ішінде 135 шешімнің күші жойылды, қалған 380 шешімнің күшін жою бойынша жұмыстар жүргізілуде.

JQ-Aqparat