60 мың әке баласын жалғыз өсіруде

Біз «Азаматтық неке» түсінігін қайта қарауымыз керек. Бұл туралы бүгін Мәжілісте өткен жиында заңнама және сот-құқықтық реформа комитетінің төрағасы Нұрлан Әбдіров мәлімдеді.  Оның айтуынша, «Азаматтық неке» жұрттың үйреншікті жүйесіне  айналды. Ал некенің бұл түрінде ешқандай жауапкершілік жоқ. Сонымен қатар, ата-ананың өз баласына отбасы құндылығын сіңіретін терең рухани ізденіс жетіспейді. 2015 жылы Қазақстан Халқы Ассамблеясының аналар кеңесі жиынында келесі мынадай дерек келтірілді: 72 мың сәби некесіз туған. Ал жалғыз басты ана 400 мыңнан асады. 60 мың әке баласын жалғыз өсіруде.  Анасымен 700 мың бала бірге тұрса, тек әкесінің тәрбиесіндегілер  300 мыңнан астам. 31 мыңнан астам жәутең көз жетімнің күйін кешуде.

Н.Әбдіров 2016 жылы Балалар үйінде 6 мыңға жуық жеткіншек тәрбиеленіп жатқанын айтады. Ал еліміздегі ұлттық экономика министрлігіне сүйенсек, үш жылдан бері некеге отыратындар қатары азайып келеді.  Керісінше, соңғы жеті жыл бойы ажырасатындар көбейді.