4-5 әйел алды: Нарғыздың сүйіктісі ажырасқаны туралы айтып, желідегі хейтке жауап берді

Сурет: instagram.com/zhanibek.erbolatuly/ instagram.com/nargiizaaa/

Райымның бұрынғы ғашығы Нарғыз Рамазанқызы әлеуметтік желіде тұрмысқа шығайын деп жатқаны туралы хабарлады. Одан кейін желі қолданушылар болашақ күйеуінің бірнеше рет үйленіп, ажырасқаны туралы жаза бастады.

Осыған байланысты кәсіпкер Жәнібек Ерболатұлы әлеуметтік желіде жазба жариялады.

«Ешкімнің аузына қақпақ бола алмаймын. Ажырасқаным рас. Бірақ ешкім менен зардап шекпеген. 4-5 әйел алды деген өтірік. Олай айтпаңыздар. Рамазанда ұстаған оразаларыңыз мені өсектеп зая кетпесін. Басқалар сияқты үсті-үстіне тоқал алған емеспін. Ешкім ажырасамын деп үйленбейді. Әркімнің өз айыбы бар. Біреулер жалға машина алып жүр деп жазып жатыр, ол автопрокат өзімідікі. Ажырасқан адам бақытты бола алмай ма? Ешкім сау сиырдың тезегі емес, әркімнің бір өткен оқиғасы бар. Айналайындар-ау, кім ажыраспай жатыр. Осы өсектің артында жақсы болашақ күтіп тұрғанына сенімдімін. Алла Тағала барлығыңыздың отбасыңызға береке берсін, еліміз аман, жұртымыз тыныш болсын», — деп жазды кәсіпкер.