374 ауылда мектеп, 256 ауылда медпункт жоқ

Фото: uralskweek.kz

Еліміздің шекаралық аймағында орналасқан 374 ауылдық елді мекенде білім беру объектілері жоқ. Бұл туралы Ұлттық экономика министрлігі көпшіліктің талқысына шығарған «Ауылдық аумақтарын дамытудың 2023-2027 жылдарға арналған тұжырымдамасында» жазылғанын мәлім етті.

«Білім беру саласындағы проблема білікті кадрлардың тапшылығы, материалдық-техникалық базаның төмен деңгейі, көрсетілетін қызметтердің сапасы болып табылады. 2022 жылғы мәліметтер бойынша 374 шекара маңындағы ауылдық елді мекенде білім беру объектілері жоқ. Шекара маңындағы аудандарда халыққа денсаулық сақтау қызметтерін 1 028 медициналық ұйым көрсетеді. Денсаулық сақтау саласындағы негізгі проблема — дәрігерлер мен медициналық персоналдың жетіспеушілігі, сондай-ақ, 256 ауылдық елді мекенде медициналық объектілердің жоқтығы» деп жазылған құжатта. Сонымен қатар 671 ауылда спортпен шұғылданатын нысан, ал 715 елді мекенде мәдениет үйі жоқ.

JQ-Aqparat