3670 интернет казино бұғатталды

Осы жылдың қаңтар айынан бері 3670 интернет казино бұғатталды. Бұл жайында мәдениет және спорт министрлігінің баспасөз қызметі мәлім етті. Сот шешімімен 5 букмекерлік кеңсе мен 2 тотализатордың лицензиясына тоқтам қойылды. Лицензиялық алымды төлеу қарызы, ойын аймақтарынан тыс тіркеу, міндетті резервтің болуы бойынша талаптарды орындамау және басқа да кемшіліктер негіз болды. 2022 жылы комитет 4 ойын автоматтары залына жоспардан тыс тексеру жүргізген. Тексеру нәтижесінде 1 зал жабылып, лицензиядан айырылды, 3 залдың қызметі тоқтатылды және 6 әкімшілік айыппұл салынды. «Онлайн казинолар, атап айтқанда, олардың жарнамасы оңай жеңіске жетуге уәде береді, осылайша құмар ойыншылардан ақша табуға тырысады. Бұған қарсы тұру үшін интернетте мониторинг жүргіземіз және қолданыстағы лицензияларды тексереміз. Мысалы, 4 букмекерлік кеңсенің, 3 тотализатордың және 1 ойын автоматтары залының лицензиясын алып қою жұмысы жүргізіліп жатыр»,-деді мәдениет және спорт вице-министрі Ержан Еркінбаев. Одан сырт ақпарат және қоғамдық даму министрлігімен бірлесіп анықталған интернет-казиноларды бұғаттау туралы ақпаратты қарау мерзімін қысқарту жөнінде шаралар қабылданды.

JQ-Aqparat

Фото: uralskweek.kz