33 ұялы телефонды қолды еткен ұры ұсталды

25 сәуiр 2023, 14:24

Ақтөбе облысының Қобда ауылындағы сауда орталығынан 33 дана ұялы телефон мен 30 мың теңге ақшаны ұрлаған күдікті ұсталды. Polisia.kz-нің жазуынша, үйдің жертөлесіндегі сауда орталығына пластикалық терезені ашу арқылы кірген ұры 33 дана ұялы телефонды және 30 мың теңгені үптеп шыққан. Шығын сомасы 3,9 миллион теңге. 28 жастағы жергілікті тұрғын ұрлаған телефонның кейбірін Шымкент қаласына барып сатқаны да анықталды. Тексеру барысында күдіктіден 11 дана телефон тәркіленді.
ҚР ҚК 188-бабы 3-бөлігі «Ұрлық» бойынша сотқа дейінгі тергеу жүргізіліп жатыр. Күдікті УҰИ-ға қамалды.

JQ-Aqparat