2025 жылы барлық ауыл ауызсумен қамтылады

Қазақстанда су тұтыну мәдениеті анау айтарлықтай қалыптастапаған екне. Соның салдарынан біз еуропалықтарға қарағанда суды 3 есе көп мөлшерде жұмсаймыз. Тағы бір жаңалық, 2025 жылы еліміздегі барлық ауыл ауызсумен толықтай қамтамасыз етіледі. Мұны ИИДМ Құрылыс және тұрғын үй-коммуналдық шаруашылық істері комитеті төрағасының орынбасары Әзімбек Пазылбекұлы орталық коммуникациялар қызметінде айтты.

Бүгінгі таңда Қазақстанда 6 295 ауыл бар, оның ішінде 4 900 ауылыдң тұрғындары ауызсумен қамтылған. Спикер қалған 1 395 ауылдың ауыз су мәселесі 2025 жылдың соңына дейін шешілетінін жеткізді.

«391 ауылда біздің министрліктің желісі бойынша орталықтандырылған сумен жабдықтау құрылысы жоспарлануда және 41 ауылда Экология және табиғи ресурстар министрлігі арқылы топтық су құбырларын салу жобасы шеңберінде салынбақ. Халқы аз 963 ауылда бюджет қаражатын тиімді пайдалану мақсатында жергілікті бюджет қаражатынан кешенді блок модульдер орнатылады», — деді Ә.Пазылбекұлы. Орталықтандырылған сумен жабдықтау құрылысы жоспарланған 126 ауылда жобалық-сметалық құжаттаманы әзірлеу қажет. Қазір 59 ауыл бойынша аталған жұмыс жүргізіліп жатыр және қалған 67 ауыл бойынша әкімдіктерге жұмысты жеделдету қажет.

JQ-Aqparat