2024 жылы әлеуметтік төлемдер мөлшері қандай болмақ?

Еліміздің қаржы министрлігі «2024-2026 жылдарға арналған республикалық бюджет туралы» заң жобасын әзірледі. Атап айтқанда жоба 2024 жылғы 1 қаңтардан бастап:
— ең төменгі жалақы (МВт) – 70 000 теңге;
— айлық есептік көрсеткіш (АЕК) – 3692 теңге;
— мемлекеттік базалық зейнетақы төлемінің ең төменгі мөлшері – 28 215 теңге;
— ең төменгі зейнетақы – 57 853 теңге;
— базалық әлеуметтік төлемдердің мөлшерін есептеу үшін ең төменгі күнкөріс деңгейі – 43 407 теңге.
Жасы бойынша және еңбек өтілі бойынша зейнетақы төлемдерін 9,0% арттыру көзделген.

МӘМС төлеуге жататын міндетті медициналық сақтандыруға мемлекет жарналарының мөлшері мемлекеттік жарналарды есептеу объектісінің 1,9%-ы болады.

Әскери қызметкерлерге (шұғыл әскери қызметкерлерді қоспағанда) және арнаулы мемлекеттік және құқық қорғау органдарының, мемлекеттік фельдъегерлік қызмет қызметкерлеріне тұрғын үйді ұстауға және коммуналдық төлемдерді төлеуге арналған ақшалай өтемақы мөлшері өзгермейді және 3 739 теңге болады.

Заң жобасы 4 қыркүйекке дейін қоғамдық талқылау үшін Ашық НҚА сайтына жарияланған.

JQ-Aqparat