2 жастағы бала дәретханаға құлап мерт болды

Ақтөбе облысы, Шалқар қаласында 2 жастағы бала дәретхана шұңқырына құлап мерт болды. Ақтөбе облыстық ПД баспасөз қызметінің жетекшісі Ерболат Сарқұловтың айтуынша, 2020 жылы туған бала есігі ашық қалған дәретхананың шұңқырына құлап кеткен.
«Сол күні анасы өзге баласын алып, облыс орталығына кеткен. Ал әкесі жұмыста болған. Үйіндегі туыстарының баласы әжетханаға барып, қатты жел тұрғанда есігі жабылмай, сәби құлап кеткен. Баланы шұңқырдан туысы алып шығып, дәрігерлерге жүгінді. Оны кейін санавиация қызметімен қалаға жеткізді. Бірақ бала бірнеше күннен соң көз жұмды. Оның ата-анасына қатысты Қылмыстық кодекстің «Балалардың өмiрi мен денсаулығының қауiпсiздiгiн қамтамасыз ету жөнiндегi мiндеттердi тиісінше орындамау» бабы бойынша іс қозғалды», — деді Ерболат Сарқұлов.

JQ-Aqparat