158 мың долларға көлік нөмірін сатып алды

Швейцария тұрғыны елдің оңтүстік-батысында Вале кантонының билігі ұйымдастырған аукционда VS 1 автомобиль нөмірін 158 мың долларға сатып алды.

Бұл туралы сәрсенбі, 15 наурыз күні өңірдің әкімшілік сайтында хабарланды.

ҚазАқпарат хабарлағандай,  бұл Швейцариядағы көлік құралының тіркеу белгісі үшін бұрын-соңды төленген ең қымбат баға болды. Нөмір сатылымға 15 ақпан күні қойылған, бір ай өткеннен кейін жеңімпаз анықталды.

Бұл белгі Вале (Valais) өңірін білдіретін VS әріптерінен және 1 санынан тұрады. Дәл осы «бір» нөмірі үшін 17 адам таласты.

Сатып алушының есімі мен жынысы нөмірді тіркеу барысында белгілі болады.