11 жастағы балаға найзағай түсті

10 тамыз 2023, 17:34

Алматы облыстық балалар клиникалық ауруханасына 11 жастағы найзағайдан жарақат алған бала түсті. Найзағай соққысынан баланың арқасы, белі және сол аяғының төменгі жағы күйіп қалған.
«31 шілде күні жедел жәрдем көлігімен найзағай соққысынан жарақат алған 11 жастағы бала түсті. Ауруханаға түскен кезде пациенттің жағдайы орташа ауыр болды. Оның арқасын, белін және сол жақ аяғының төменгі жағын термиялық күйік шалған. Балаға шұғыл көмек көрсетілді. Қазір бала травматология бөлімінде хаттама бойынша ем қабылдап жатыр», — деді аурухана директорының орынбасары Асқар Сәулебекұлы.

Дәрігерлер шілде-тамыз айларында найзағай жерге жиі соғатынын ескертіп, ата-аналарды балаларына сақ болуға шақырады.

JQ-Aqparat