11 мың қандасымыз Атажұртқа оралды

Биыл Қазақстанға 11 мың қандасымыз оралды. Бұл 2015 жылмен салыстырғанда 6 есеге көп. Бұл туралы Астанада өтіп жатқан VII азаматтық форумда ҚР Премьер-министрінің орынбасары Иманғали Тасмағанбетов хабарлады.

«Сіздердің назарларыңызға тағы бір бағытты ұсынамын. Ол Қазақстанға оралып жатқан отандастарымызды әлеуметтендіруге қатысты. Яғни, мемлекет пен үкіметтік емес ұйымдар арасында жүзеге асырылмаған мүмкіндіктер көп. 2016 жылы елге 11 мың отбасы оралды. Бұл 2015 жылмен салыстырғанда 6 есеге көп. Біздің қандастарымызға көмек керек. Ол: құжаттарды рәсімдеу, оқыту, әлеуметтік бейімделуге қатысты. Осы сұрақтарда ҮЕҰ-дардың атқаратын рөлі жоғары», — деді ол.
Айта кетейік, бүгін форум ел тәуелсіздігінің 25 жылдығы қарсаңында VII азаматтық форумы өтуде.

Дәурен ЕРБОЛАТ

baq.kz