100 мың көлік заңдастырылды (Видео)

27 сәуiр 2023, 9:42

Ішкі істер министрлігі 2022 жылдың 1 қыркүйегіне дейін елімізге шетелден әкелінген автокөліктерді заңдастырып, құжатын рәсімдеуді жалғастырып жатыр.
«Осы жылдың 23 қаңтарынан бастап бүгінге дейін алдын ала онлайн тексеруден өтіп, заңдастыруға мақұлданған көлік саны 200 мыңға жетті. Оның ішінде 100 мыңнан астамы заңдастырылды. Ішкі істер министрлігі қосалқы бөлшек ретінде әкелінген автокөліктерді заңдастыру шарттарын айқындайтын Үкімет қаулысының жобасын әзірледі. Жоба Үкімет қарауына жолданып, келесі аптада қол қойылады деп күтілуде. Үкімет қаулысына қол қойылған соң 10 күннен кейін құжат күшіне енеді. Содан соң ғана автоконструкторларды тіркеу қолға алынады» деп жазды Polisia.kz.