Жамбыл облысында 15 жастағы оқушы төбелестен кейін көз жұмды (Видео)

Бүгін, 11:55

Жамбыл облысы Ботамойнақ ауылында футбол алаңындағы жасөспірімдер қақтығысы қайғылы аяқталды, деп хабарлайды jasqazaq.kz КТК арнасына сілтеме жасап.
15 жастағы Миятбек Ерсейіт кеудесінен алған соққыдан кейін оқиға орнында тіл тартпай кеткен. Марқұмның әкесі ұлының әлімжеттіктің құрбаны болғанын және сол күні өзге де балалардың соққыға жығылғанын айтады.
Күдікті – марқұммен бірге оқыған 16 жастағы көршісі. Жерлеуден кейін оның отбасы мен ауыл ақсақалдары кешірім сұрап келіп, анасы кешірім берген.
Соған қарамастан, полиция ҚР ҚК 106-бабы (Абайсызда өлімге әкеп соққан денсаулыққа қасақана ауыр зиян келтіру) бойынша қылмыстық іс қозғады. Күдікті тергеу изоляторына қамалды.